श्री विद्या शंकर विद्यार्थी के 1गो अउर होरी गीत (08) - फगुआ (होरी गीत) संग्रह पहल प्रतियोगिता - 2018
शिव शंकर के धमवा में फाग,
गऊरा भांग पिसेली.....
रखिये भभूतिया से खेले महादेव जी
धमवा में जुटल बाड़े रिसी मुनी देवजी
पिये पिआये भोला भांग, गऊरा..... |
भंगिया त भंगिया धतुरवो पिसाला
खोअवा बरफिया में मन से मिसाला
होली के कढ़ावल जाला राग, गऊरा..... |
भोला बाबा नाचेलन डमरूआ बजावेलन
संगे संगे रिसी मुनी मस्ती में गावेलन
मचल कैलाश पर बा फाग, गऊरा..... |
चल$ता बेअरिया मच$लता बेयरिया
भूत बैतलवा मार$ता सिसिकरिया
बिहँसेली हो गऊरा बेलाग, गऊरा...... |
विद्या शंकर विद्यार्थी
C/0 डॉ0 नन्द किशोर तिवारी
निराला साहित्य मंदिर बिजली शहीद सासाराम जि - रोहतास (बिहार)
पिन 821115
टिप्पणियाँ
एक टिप्पणी भेजें