श्री आशुतोष पाण्डेय उर्फ आशु बाबा के 1गो होरी गीत (10) - फगुआ (होरी गीत) संग्रह पहल प्रतियोगिता - 2018

माथवा प लेके सँवरु रंग के गगरिया...

 माथवा प लेके सँवरु रंग के गगरिया हम कईसे के आईं ना, 
सोझा बाटे मजबूरिया हम कईसे के आईं ना।
सुना हो ईयार याद तोहर बाडा आवेला,मनवा हमार हहर हहर रही जावेला।
मिले खाती आई जा ना गली के कगरिया,हम कईसे के आईं ना.......।टेक।
कवनो जतन हमरा कामे ना आवता,पापा माई भाई सब अँखिया देखावता,छोटका भईयावा बाटे हमारा पंजरिया,हम कईसै आईं ना..........।टेक।
सुत सब जाई तब मिले हम आईब,आशु बाबा बहरी से कुंडी लगाईब।
साजी के प्रशांत रखिह देशी पिचकरिया,हम कईसे आईं ना...........।टेक।

 -श्री आशुतोष पाण्डेय उर्फ आशु बाबा 

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

माईभाखा कहानी लेखन प्रतियोगिता-1 के परिनाम घोसित

चित्र
माईभाखा कहानी लेखन प्रतियोगिता के परिनाम रउआँ सब की सोझा राखत मन बहुते प्रसन्न बा। सबसे पहिले त हम ओ रचनाकार लोगन के नमन करतानीं जे अपनी माईभाखा में लिखेला ओकरी साथे-साथे ओ सब लोगन के जे माईभाखा के कवनो न कवनो तरे समरिध कइले में लागल बा। अरे एतने ना, सही तरे देखीं त सबसे अधिका धन्यवाद के पात्र त पाठक महानुभाव लोग बा, जे समय निकाली के रचचन के पढ़ेला। आज माईभाखा भोजपुरी कवनो परिचय के मोहताज नइखे। एकर डंका देस का विदेसन में भी बज रहल बा। इ पूरा तरे बैग्यानिकता पर खरा उतरत हर जगहि आपन मिठऊ अउर सरल छाप छोड़ रहल बिया। अभोजपुरिया भी एकर होत चलि जाता लोग। दिन-दिन एकर दायरा बढ़त चलि जाता, इ समरिध होत चलि जा तिया पर हँ, इ हो बात सही बा की अपनी कुछ लोगन की चलते इ तनि उपेछित भी बिया..... एकरा अबहिन जहाँ रहे के चाहीं, उहां पहुँच नइखे पवले। खैर, माइयो भाखा के अच्छा दिन आई, भोजपुरिया लोग दिल खोलि के एकर गुनगान गाई। जय-जय। त एगो बात- सबसे पहिले त हम सातों मान्यवर कहानीकार (जे आपन कहानी भेजले रहल ह) लोगन के नमन करतानीं अउर हिरदय से आभार वेयक्त करतानीं। अगर इहाँ सब आपन कहानी ना भेजले रहतिजाँ ...
और पढ़ें

अब कवितई (कविता प्रतियोगिता) के भाँजा

अब कवितई होई......जय-जय #माईभाखा (#भोजपुरी) #कहानी #लेखन #प्रतियोगिता पूरा तरे सफल भइल। ओ सब महानुभाव लोगन के हिरदय से धन्यवाद जे सीधा भा परोछ रूप से ए प्रतियोगिता के सफल बनावे में सहजोग कइल। बहुत खुसी बा की माईभाखा (https://mybhakha.blogspot.in/2017/07/1.html) पर काल्ह दुपहरिया से अबहिन ले लगभग 150 मान्यवर पाठक लोग आपन उपस्थिति दरज करावल अउर जितवइया लोगन से परिचित भइल। अब कवितई के भाँजा बा....काल्ह परसों में एकर घोसना (https://mybhakha.blogspot.in) पर क देहल जाई। रचनाकार लोगन से निहोरा रही की आपन ताजा कविता पठावे के बा अउर परिनाम घोसित भइले तक ए के कहीं अउर परकासित नइखे करावे के। एक बेर परिनाम घोसित भइले की बाद रउआँ अपनी कविता के जहाँ मोन करे उहां परकासित करा सकेनीं। कुल मिलाके 3गो पुरस्कार रही पर अगर कविता के आवक जेयादा बा त इ पुरस्कार 5गों हो सकेला। हर रचनाकार आपन अधिका से अधिका दु गो कविता भेज सकेला......पूरा जानकारी खातिर काल्ह-परसों ले तनि इंतजार करीं। :) एगो अउर बात इ जवन भी आयोजन हो रहल बा, ओकर उदेस लिखवइया लोगन के प्रोत्साहित कइले की साथे-साथे अधिका लोग के माईभाखा से जोड़ल...
और पढ़ें

15. प्रतिक तिवारी जी के दु गो कबिता (25, 26) - माईभाखा कबितई प्रतियोगिता

चित्र
(१)  का लइकी भइल ही हमार बाटे दोस ए माई हम उड़े के चाह तानी उड़त उड़त आसमान छुवे के चाह तानी अपना संगे संगे तोर नाव ऊंचा करेके चाहतानी दुनिया कइसन बिया इ हम ऊंचाई से देखल चाहतानी लेकिन ये माई बाबूजी कहेले कि तू लइकी हउ तहरा ढेर उड़े के सपना ना देखे के चाँही माई हम लइकी हई त एमे हमार का दोस का एहके वजह से हम नईखी रह सकत खुस हम काहे तनिये मनी में राखी संतोस का लइकी भइल ही हमार बाटे दोस ए माई हम उड़े के चाह तानी भर अकास अपना कोरा मे भरे चाहतानी।। (२) मनई आदमी रही त जाति धरम कामे आई जब जीउ ना रही त ई केकरा से चिन्हाई।। खून बा सभकर एके रंग के का खूनवो के रंग अब बदलाई।। हम बड़का हई तूं छोटका कइला से का केहु कुछउ पाई ।। हमार धरम बड़ ना हमार धरम बड़ आपुसे में बांटला से का केहु चैन से रह पाई।। हमार बात ऊपर ना हमार बात ऊपर चिलइला से केहु का आगे बढ़ पाई।। हम मरद तूं मेहरारू पैदाइस एहसे का मर्दानगी साबित हो जाई।।    (नाम पता -  प्रतिक तिवारी, गाँव कर्णपुरा जिला- सिवान बिहार वर्तमान पता - मुम्बई )
और पढ़ें