36. धर्मदेव चौहान जी के 2गो कबिता (गजल) (71, 72) - माईभाखा कबितई प्रतियोगिता

गज़ल -१

लोग झगरा के जरs खोजता |

एने- ओने से लरs खोजता | |

जेकरा चले के धराने नईखे |

उहो उड़े के परs खोजता ||

जीत के गईलें जबसे नेता जी |

तबसे पूरा शहरs खोजता ||

रेड़ पूरधान भईल बा जबसे |

तबसे जनता जहरs खोजता||

फेंड़ बोवता ता जे बबूरे के |

उहो आमे के फरs खोजता ||

बात आईल बा जबसे दउलत के |

भाई भाई के सरs खोजता ||

कोख में मारल जे अपना बेटी के |

उहो कनिया सूघरs खोजता ||

गज़ल -२

तोहार कवनो ज़बाब नाही बा |

तोहरा जस आफ़ताब नाही बा ||

कहीं भी आज ले ए दुनिया में |

तोहरा जइसन गुलाब नाही बा ||

लोग हमके ख़राब कहेला |

हमरा जइसन ख़राब नाही बा ||

अपना दिलवा के तू पढ़ल करs|

एसे बढ़िया क़िताब नाही बा ||

माई बाबू के तू सेवा करीह |

एसे बड़हन ख़िताब नाही बा ||

इ जिनगी हवे फुटकर पइसा |

एकर कवनो हिसाब नाही बा ||

हमके देख कि हम बिहार हईं |

हमसे बड़हन नबाब नाही बा ||

धर्मदेव चौहान

शोध छात्र,

चन्द्रशेखर आज़ाद कृषि एवं प्रौद्योगिकी विश्वविद्यालय

कानपुर

Mob.No.-9792724266

Email-dharmadevchauhan@gmail.com